Brazolinda é un proxecto de deseño e fabricación de xogos de mesa en galego. Están deseñados para o xogo conxunto de grandes e pequenos e axudan a desenvolver a capacidade de observación, comunicación, razoamento... a través das adiviñas, as matemáticas ou xogos de agudeza visual, entre outros.

Irimia Fernández mostraranos xogos de mesa en galego que ela mesma deseña e fabrica. No obradoiro falaramos da importancia do xogo e xogarmos en familia, aínda que sexa uns minutos ao día.

As prazas adxudicaranse por rigorosa orde de inscrición. Só os nenos e nenas necesitan inscrición. Imprescindible asistencia mínimo cun adulto.

¡Esperámosvos!