A Domus realizará o sábado 15 de febreiro, ás17.30 horas, unha conexión en directo co xornalista e divulgador científico Xavier Fonseca desde a Antártida.

A súa intervención comezará cunha charla na que, co apoio de imaxes tomadas por el mesmo, falará en directo sobre como se desenvolve o día a día da expedición nun dos lugares máis inhóspitos e cientificamente interesantes do planeta. A continuación o público poderá realizarlle preguntas.

Xavier Fonseca está a traballar desde principios de xaneiro nas bases científicas españolas das illas Livingston e Decepción como integrante dun equipo multidisciplinar para levar a cabo un proxecto de comunicación sobre a Antártida.