Esta é a historia dun momento onde escribir e vivir podían aínda conxugarse sinonimamente. Hai escritores que deciden selo para ensinarnos un virtuosismo, para ensinarnos unha forma de tecer con sílabas, palabras, acústicas ou formas de mirar, e hai outros que primeiro necesitan vivir un berro interior e despois de vivilo saben tecer con palabras esa vivencia. Esta é a historia dun Madrid que xa non existe, un Madrid que naceu no cambio de século despois da perda dunha guerra, dunhas colonias, da perda dunha esperanza, dunha forma de entenderse no mundo. Un Madrid que se empeza a construír co desastre de Cuba, Filipinas e Porto Rico e que se desvanecerá con outra guerra, a do 36. Esta tamén é a historia da bohemia, das vangardas, da pintura, da música e de como os medios de comunicación de masas chegan á nosa cultura para non irse xamais. É a historia dunha mirada, a de Don Ramón Gómez de la Serna. A mirada atopa unhas palabras e esas palabras buscan un eco na vida e a obra de Don Ramón María del Valle Inclán. É un diálogo, un diálogo entre ecos, un diálogo fantasmagórico, un diálogo desde as ausencias. É unha reflexión sobre a validez da literatura para entender a vida. É a literatura como columna vertebral dunha vida. É un espectáculo que nos ten que facer intuír, entender, sintonizar, vibrar, sentir os ecos dunha época impresionante, dunha época onde a arte e a vida se daban a man. Quizais esa época volva estar viva entre nós.

Con Pedro Casablanc

Piano: Mario Molina

Dirección: Xavier Albertí

Produción do Teatro Español e Bravo Teatro

*Venda de entradas soltas a partir do 6 de setembro

Despacho de billetes da praza de Ourense, de luns a venres das 11.00 ás 15.00 h e das 16.30 ás 19.30 h

Despacho de billetes do Teatro Rosalía: só abre os días de función dende as 16.00 h

Venda en liña