Este concerto inclúese dentro do ciclo patrocinado polo Xacobeo "SUSEIA ET ULTREIA. Todos os pobos, linguas e tribos presenta a... Dakhabrakha". Un ciclo de concertos que terá lugar en 2023, organizado para gabar a diversidade, tender pontes entre culturas, favorecer o entendemento e a solidariedade, garantir a xustiza social e propiciar escenarios abertos ao diálogo a través da música; unha homenaxe ás culturas dos países de orixe dos peregrinos a Compostela.

DhakhaBrakha («toma/daca» en eslavo antigo) é un inclasificable cuarteto ucraíno de folk-punk, composto por tres mulleres e un home, que crearon un son fascinante bautizado como "etno-caos". A súa música, diferente a todo o existente, é un transo de asombrosa beleza, decididamente libre e comprometido coa que visitaron os festivais máis prestixiosos do mundo (Glastonbury, Bonaroo, Transmusicales...).

DakhaBrakha crea unha música salvaxe e inesquecible que é á vez sagrada e moderna, unha música contemporánea nova, vital. A banda aparece no escenario coas vestimentas tradicionais, o que, combinado co seu rango vocal asombrosamente poderoso e sen concesións, crea un espectáculo dramático. Á vez que tocan unha multitude de instrumentos, as súas harmonías inquietantes e vangardistas mestúranse con ritmos de violonchello, concertina (pequeno acordeón) e percusión.

VENDA DE LOCALIDADES

• Venda en liña: Ataquilla.com
• Venda no despacho de billetes do Teatro Colón unicamente os días de espectáculo desde dúas horas antes (sempre que queden localidades dispoñibles)
• Venda no despacho de billetes central da praza de Ourense: de luns a venres das 11.00 ás 15.00 h e das 16.30 ás 19.30 h (excepto festivos)