O luns 25 de maio ás 18.00 h na Biblioteca Fórum Metropolitano temos o Contacontos "África Contada", dirixido a nenos e nenas de 6 a 9 anos.

«África contada» é unha viaxe á África profunda para descubrir as súas cores, recrearse na súa calor, sentir os seus cheiros e vivir os seus valores, a través dos seus contos e fábulas.

A través de contos, lendas e música tradicional, transmitirase aos máis pequenos a riqueza da cultura da África Negra, fomentando valores como a solidariedade, a paz e a convivencia. Mediante o poder da palabra, contaxiaranse emocións e valores como a igualdade e o respecto.

Actividade con inscrición previa.