Chispita é o protagonista do primeiro conto autoeditado de Marisol Creo Prego. Chispita é un ratiño, como todos, que non para de brincar e correr dun lado para outro e que no seu xogar e corricar tira coas cousas ao pasar, todo o que ten ao seu arredor. É a súa forma de divertirse, pero a mamá de Chispita non atopa o xeito de corrixir o que para ela é unha manía.

Se queres coñecer a historia de Chispita e o que a súa mamá logrou acadar, achégate á Biblioteca Durán Loriga. Esperámoste!