Estrea do novo espectáculo de dous cómicos televisivos de gran talento. Federico Pérez e Xosé Antonio Touriñán se enfundan nos personaxes de Curtis & Teixeiro nun show que, din, forza os "límites do humor"

Dous detectives un tanto peculiares, Curtis e Teixeiro, e dicir, Xosé Antonio Touriñán e Federico Pérez. Eles son os Starsky and Hutch galegos, unha clase de investigadores privados con métodos “diferentes” aos habituais, e sobre todo con formas moi alonxadas das correctas. Xosé Antonio Touriñán e Federico Pérez coincidiron recentemente na película de Alfonso Zarauza, Os Fenómenos, pero os dous son habituais das nosas series.

En Era Visto! Federico é Moncho, xa o coñecedes, un home sinxelo, carismático, un pouco arrebatado, moi influenciable…e moi moi simpático. Se queres coñecelo mellor preme aquí e verás unha reportaxe que resume moi ben como é Moncho. A Xosé Antonio Touriñán puidémolo ver en varios programas, A Casa da Conexa, Land Róber, Tourilandia, en series como A vida por Diante ou Padre Casares.

Venta de entradas:

Taquilla Central, Plaza de Orense: de lunes a viernes de 9.30 a 13 y de 16.30 a 19.30 h

Taquilla Forum: sólo días de función, desde unha hora antes do espectáculo.

Televenta: 902 044 226 (luns a venres de 9.00 a 22.00 h, sábados de 14.00 h a 22.00 h, domingos de 16.00 a 21.00 h)  - www.ticketea.com (servizo permanente 24 h )