Manane Rodríguez analiza neste filme o caso do asasinato dun neno en Oza, un feito espantoso de violencia vicaria que o pai cometeu para vingarse da nai, facéndoo, precisamente, «onde máis doe». Despois de ameazar durante anos a súa exparella, Marcos M. asasina a golpes de pa o seu fillo de 11 anos. Un ano despois un xurado popular condénao por asasinato (matar facendo uso pleno das súas facultades) e determina que o crime contra o neno non buscaba outra cousa que castigar a nai. Onde máis doe é un documental imprescindible sobre ese horror inaceptable nunha sociedade civilizada.

Este documental está nas antípodas do tratamento sensacionalista co que adoitan tratarse estes dramas.