Aclamado internacionalmente pola súa exquisita musicalidade e sensibilidade, o Dúo Cassadó cautiva tanto ao público como á crítica especializada grazas á súa orixinalidade e carisma. Artistas en exclusiva de Warner Classics, o Dúo Cassadó actuou en prestixiosos auditorios e festivais de todo o mundo e realizou xiras por Israel, Canadá, Colombia, Ecuador, Arxentina, Marrocos, Túnez, Exipto, Xordania, Paquistán, China, Corea do Sur e Xapón.O seu disco "Rapsodia del Sur", galardoado co "Melómano de Oro", foi elixido entre os mellores discos do ano. En "ROJO", catalogado pola prensa internacional como unha gravación de referencia, realizaron a primeira gravación mundial da "Fantasía Española" escrita por Ernesto Halffter. "Hypnotik" é o seu novo traballo discográfico, un disco conceptual con gran proxección internacional.Comprometidos coa creación actual, estrearon "Sibilas frente al espejo", obra dedicada ao Dúo Cassadó composta por Tomás Marco; "Páginas de Arena", escrita pola compositora Laura Vega; e "Del Aire que me das", de Marina Ortega, estreada recentemente no Palau de la Música Catalana. O Dúo Cassadó presentou recentemente "Hechizo y Duende", unha homenaxe a Federico García Lorca, e esta tempada presenta "Esencia de los Elementos".

Venda de entradas:

Despacho de billetes da praza de Ourense, de luns a venres das 11.00 ás 15.00 h e das 16.30 ás 19.30 h

Despacho de billetes do teatro, dende as 16.00 h do día do concerto

Venda en liña