A exposición "O legado de José Ramón" xorde a partir dunha xenerosa doazón realizada pola familia do ilustre artista ao Concello, coa que se cumpre co desexo expreso do propio José Ramón.

Máis que unha homenaxe ao pasado, esta mostra representa unha ponte entre a historia e o presente. A través da súa extraordinaria habilidade, José Ramón logrou capturar a esencia da Coruña, deténdose naqueles momentos e lugares que definiron a súa evolución. A exposición é, ademais, unha invitación para reflexionar sobre a importancia de valorar e preservar o legado histórico, recoñecendo na arte unha ferramenta única para conectar distintas xeracións.

VISITAS GUIADAS

Os próximos días 19 de febreiro, 5-19-26 de marzo das 18.00 ás 19.00 h realizará visitas guiadas Ana Iglesias, comisaria da exposición e filla do artista.

Cada grupo ten unha capacidade limitada a 25 persoas.

Para reserva de praza envíen un correo a kioscoalfonso@coruna.gal

Ana Iglesias será a encargada de realizar as visitas guiadas nas que proporcionará información detallada sobre os diversos aspectos das obras expostas: o proceso creativo, o seu estilo, as técnicas utilizadas, o contexto histórico.

A visita será aínda máis enriquecedora na primeira planta do Concello, onde as persoas visitantes poderán ver con detalle as tallas do Salón de Plenos, o Libro de Ouro e os escudos da cidade.