O mar a fondo distribúese en catro módulos cuxos formatos se adaptan ao público xeral, familias, profesorado, alumnado e investigadores:

1. Que se esconde dentro e debaixo do xeo mariño antártico?

Da man dos investigadores do ICM que viaxaron en numerosas ocasións á Antártida, poderemos observar pezas de xeo mariño, krill liofilizado entre outros elementos que nos axudarán a comprender a importancia de preservar a Antártida para preservar á súa vez a saúde do planeta.

2. O submarino

Mergúllate nas profundidades do océano a bordo dun submarino e pon a proba todos os teus sentidos de investigador.

3. Os bosques do mar

Nas profundidades do océano, a onde nunca chega a luz, hai vida rica e variada, moito máis parecida á dos bosques de terra do que imaxinamos. Ven e descúbreo ti mesmo.

4. Medusas: o éxito dunha estrutura morfolóxica simple e un ciclo de vida complexo

As medusas apareceron na terra hai uns 600 millóns de anos e desde entón conservan unha estrutura morfolóxica simple, que é o que lles permitiu sobrevivir todo este tempo. Aprende a coñecelas e a protexelas e mesmo a saber como tratar unha picadura de medusa.

*Grupos escolares de Educación Primaria (ciclos 2º e 3º), ESO, Bacharelato os días lectivos pola mañá. Enviar unha solicitude de reserva e, unha vez confirmada, aboar só o prezo da entrada ao Aquarium Finisterrae que corresponda, xa que é unha actividade sen custo adicional. A folla de solicitude está dispoñible no enderezo http://mc2coruna.org/escolares/reserva.html. Ao cubrila, indicar no recuadro de Observacións "Actividade do festival Mar de Mares no Aquarium Finisterrae".

**Familias e público xeral polas tardes os días lectivos e mañás e tardes a fin de semana e o martes 1 de novembro.

+ info: www.elmarafondo.com | www.mc2coruna.org