Encontro a cargo de Santiago Rey Asorey, policía nacional experto universitario na localización e seguimento dos delitos tecnolóxicos pola UDIMA.

A nosa mocidade creceu entreténdose cos nosos móbiles. O que para nós é unha experiencia innovadora, como follear un xornal dixital, ler un libro nun lector de libros electrónicos ou escoitar música en Spotify, para eles/as é o soporte natural deses contidos.

Gocemos en familia das vantaxes que nos achegan as novas tecnoloxías, ensinémoslles a diversificar o lecer, a manexar as novas tecnoloxías, como lles ensinamos todo o demais que lles afecta na súa vida.

A clave non está en esconder os nosos móbiles ou en prohibirlles o seu uso aos nosos fillos e fillas. A resposta é aprender a facer un bo uso procurando ser o mellor exemplo para eles e elas.

Adxudicaranse as prazas por rigorosa orde de inscrición. Só os nenos e nenas necesitan anotarse. É imprescindible a asistencia dunha persoa adulta.

Esperámosvos!!!