Din que as segundas partes nunca foron boas. Por sorte, ninguén dixo nada das sextas. Este Nadal, Javier Veiga, David Amor e Rober Adegas regresan aos escenarios de toda Galicia con ESFÍNTER 6, unha historia que comezou como unha escusa para xuntarse e que, a estas alturas, xa dura máis que moitas amizades.

Nesta nova entrega, os tres amigos volverán facer o que mellor saben: repasar con moito humor o sucedido durante o último ano e compartir historias que probablemente deberían quedarse na cea. Noventa minutos de risas, sorpresas e confesións innecesarias para darche algún tema de conversación extra durante as sobremesas destas festas.

Despois de cinco edicións e miles de espectadores, ESFÍNTER é xa unha tradición do Nadal. O plan perfecto para reunirse cos teus, compartir gargalladas e coller forzas antes de enfrontarse á cea familiar, ao amigo invisible e a esa persoa que insiste en poñer panxoliñas desde novembro.

Javi, David e Rober regresan un ano máis porque o público ségueo pedindo e porque, sinceramente, xa non saberían como explicar en casa que este ano non teñen función. Este decembro volve ESFÍNTER, a mellor forma de pechar ou ano.

VENDA DE ENTRADAS:

• Despacho de billetes praza de Ourense (excepto festivos): de luns a venres, de 11.00 a 15.00 h e de 16.30 a 19.30 h.
• Despacho de billetes Teatro Colón: desde dúas horas antes do comezo do espectáculo (sempre que queden entradas dispoñibles)
• ataquilla.com