Nesta edición presentáronse 142 alumnos con 365 fotos. Os participantes son alumnos de bacharelato, formación profesional e ESO de toda Galicia.

A Coruña, Vigo, Carballiño, Valga, Santiago de Compostela, Ferrol, Culleredo, Lugo, Ourense, Ribadeo, Sobrado dos Monxes, Fene, Narón, Vilariño de Conxo, Boiro, Ames, Carnota, Silleda, Malpica, Pontevedra, O Porriño son as localidades de orixe dos participantes.

Destaca a presenza feminina con 95 participantes.

O xurado presidido por Xurxo Lobato e formado por Antón Orosa, Arene Román, Marcos Sánchez. Pablo Mella, Tino Fraga e como secretario do xurado Blas Rodríguez, expresa a súa satisfacción pola continua mellora da calidade dos traballos presentados polo que ampliou o número de accesits a 12.

Este certame consolídase con perfil propio, especializado en fomentar a fotografía entre os alumnos de ensinos medios de Galicia. Quere contribuír ao desenvolvemento da linguaxe fotográfica da nosa comunidade autónoma e fomentar a "canteira" de novos valores que opten pola fotografía como linguaxe de creación.