A mostra, realizada en colaboración coa Galería Marlborough, está formada por 70 obras que o propio artista conservou, e que representan todas as etapas da súa dilatada carreira a través do fío condutor das multitudes en fuga. Desde o gris dominante nos seus primeiros traballos ata a explosión de cromatismo dos máis recentes, o valenciano cultiva un difícil equilibrio entre o control da composición grupal e a atención ao detalle individual, nunha permanente invitación á libre interpretación por parte do espectador.