Ao longo das súas seis décadas de carreira, Helmut Newton chegou a ser considerado un dos fotógrafos máis importantes do mundo. Prolífico creador de imaxes e auténtico visionario, segue exercendo aínda hoxe en día unha grande influencia na fotografía moderna e nas artes visuais, o que supón un gran valor cultural e dimensión internacional albergar esta mostra na Coruña. A elección de fotografías que conforma a exposición inclúe as súas icónicos "grandes espidos" e os inesquecibles retratos de persoaxes excepcionais como Andy Warhol, David Bowie, Margaret Thatcher, Charlotte Rampling, Elsa Peretti, Daryl Hannah, Jerry Hall, Naomi Campbell, Yves Saint Laurent e Karl Lagerfeld. Como contrapunto as súas imaxes máis soadas, a exposición contén exemplos de paisaxes "menos coñecidas", descubrindo a cara máis íntima do artista a través dunha serie de vídeos e imaxe persoais e outros documentos como carteis, cámaras e equipos, accesorios, obxectos curiosos e recordos. Este proxecto está impulsado en colaboración coa Fundación Helmut Newton e comisariado por Philippe Garner, Matthias Harder e Tim Jefferies.