O obxectivo desta exposición é a difusión da obra dos artistas para que a xente, que xa coñece a Asociación a través dos cartóns e calendarios que comercializa, poida gozar dos cadros orixinais e apreciar a súa calidade artística.

A Asociación de Pintores coa Boca e co Pé foi creada en 1957 cando o pintor Erich Stegmann e un pequeno grupo de artistas discapacitados de 8 países europeos fundan unha organización para axudarse mutuamente. Erich Stegmann, vítima da poliomielite, quedou privado do uso das súas mans e construíuse unha próspera carreira como pintor coa boca en Alemaña.En España fundouse cando en 1957 Stegmann entrou en contacto con Manuel Parreño Rivera, que se converteu no primeiro artista español da Asociación. A sede atópase en Madrid e encárgase da difusión e distribución das obras dos artistas por todo o país.