A asociación de makers Bricolabs organiza un ano máis a Feira OSHWDem (Open source Hardware Demonstration) de tecnoloxía aberta que terá lugar na Domus, o museo científico que acolle as actividades deste grupo na súa sala maker@domus.

A feira incluirá ao longo de toda a xornada multitude de actividades, como competicións nas que se poderá ver robots pelexando de forma autónoma, resolvendo complexos labirintos á velocidade da luz e competindo entre eles en carreiras incribles.

Ademais haberá unha exposición con máis de 40 proxectos e actividades con contidos variados, de maneira que todo o público que se achegue á Domus este sábado 7 de outubro poida atopar algo do seu interese.