A concellería de Participación e Innovación Democrática,presentouo Festival de Cultura Urbana: Sinte o flow, que organiza a área municipal de Mocidade en colaboración coa asociación cultural Vella Escola e que se celebrará na praza dos Mariñeiros o vindeiro 21 de xullo. A iniciativa suporá unha xornada de obradoiros participativos dirixidos á xuventude e mostras ou exhibicións abertas para a veciñanza de todas as idades que queira participar. A idea deste festival  é xerar un espazo de relación onde os mozos e as mozas con curiosidade pola cultura urbana poidan compartir experiencias e coñecer distintas actividades alternativas coa mesma, que abranguen desde manifestacións artísticas e deportivas, facendo partícipe ao barrio e ás persoas de todas as idades que se acheguen a este espazo aberto de cultura urbana participada. O obxectivo  pasa por facilitar a participación activa en experiencias de educación non formal, vinculadas á cultura urbana, que favorezan a convivencia e a inclusión social.  

PROGRAMA DO FESTIVAL

Horario de mañá

12:00 - 16:00  exhibición cellograffiti

12:00 - 13:00  obradoiro de skate   |   obradoiro de parkour

13:00 - 14:00  obradoiro de turntablism dj 

-----------------------

Horario de tarde

16:00  exhibición de flat land (bmx)

16:00  quedada de skate  |  quedada de parkour   |   uso libre da zona de baile

17:00 - 18:00  obradoiro de beatbox 

18:00  exhibición de flat land (bmx)

18:00 - 21:00  competición all styles 2vs2 (danzas urbanas)  |  uso libre skatepark

21:00  exhibición de breakdance "back to the roots"

22:00 - 23:00  concerto "rap a golpe de beatbox ft. live band"