Nuria Pena, printmaker - como ela gusta de ser nomeada, máis que como artista visual (termo por outra banda tan abusado como improbable) - investiga ese suco sombrío: a pegada, a fenda dunha técnica coa que non deixa de experimentar e pensar no campo expandido e ampliado do gravado, o debuxo, a pintura, a colaxe ou a fotografía - por citar as súas técnicas máis profusas. (...)

No seu límpido e diáfano estudo coruñés de Montealto, Nuria toma distancia e examina (sképtomai), despregando no chan do estudo do estudo as súas obras que axustan e harmonizan fotografías/pegada dun pasado - nas súas palabras) integradas en gravados - outra interpretación da realidade que posúe a súa propia velocidade de lectura (sic) - para reflexionar sobre o tempo das imaxes. (...)

Nuria Pena é posuidora dunha poética intimista e lírica innegable que a vinculan, na súa proximidade á natureza, á errancia da mellor tradición romántica.

Jaime G. Lavagne

Nuria Pena

• Licenciada en Belas Artes pola Universidade Complutense de Madrid.
• Bolseira pola School of Drawing and Painting, Heriot Watt University, Edimburgo.
• Finaliza os estudos de doutoramento pola Universidade Complutense de Madrid en colaboración coa Calcografía Nacional e a Spanish Society de Nova York.
• Bolseira pola Academia de España en Roma, especialidade de gravado.
• Selección de Tokio Miniprint Internacional Xapón.