Unha das bandas máis lendarias da música celta mundial, Capercaille, chega por fin a Galicia dentro do ciclo Folk no Colón para ofrecer unha noite inesquecible de música de raíz, emocións profundas e sonoridades atlánticas.

Dende as Highlands escocesas ata os escenarios máis emblemáticos do planeta, Capercaillie leva máis de catro décadas reinventando e internacionalizando a música tradicional gaélica, con discos que marcaron un antes e un despois e coa voz marabillosa de Karen Matheson, descrita por Sean Connery como "unha garganta tocada por Deus".

Vive unha noite máxica coas melodías hipnóticas, os ritmos ancestrais e a forza viva da cultura celta nun espectáculo que celebra a tradición e a modernidade cunha elegancia única. Non perdas a oportunidade de escoitar en directo unha das bandas máis influentes e admiradas da música celta contemporánea.

VENDA DE LOCALIDADES

• Venda en liña: Ataquilla.com
• Venda no despacho de billetes do Teatro Colón: unicamente o día do concerto
• Venda no despacho de billetes central da praza de Ourense: de luns a venres (excepto festivos) das 11.00 ás 15.00 h e das 16.30 ás 19.30 h