A protagonista desta historia nace un 8 de marzo de 1975. Considerando este feito a súa nai un claro sinal dunha misión, decide chamala Esperanza... "Esperanza Marzal".

"Esperanza Marzal" traerá a igualdade, ela desexa que no século XXI as mulleres podan ir tranquilas pola rúa, acadar os mesmos postos de traballo que calquera persoa, pregúntase por que en moitas entrevistas nos medios de comunicación ás mulleres pregúntaselles polo seu físico, no canto de facelo pola súa actividade, a conciliación da vida laboral e familiar, a finalización de todo tipo de violencia de xénero, abusos, etc.

Deste xeito e a pesar de todas as celebracións do "Día da muller" segue sen palpar a "igualdade", por iso irá na súa procura, utilizando a maxia e o humor. 

Cumprirá a súa misión?,... atopará a igualdade?, ... onde estás, igualdade?,... ula igualdade?

Espectáculo cheo de ilusións con cordas, cartas, evasións,... moito humor e participación do público, para tentar expor no só as desigualdades cotiás e históricas, senón tamén a importancia de erradicalas traballando nos ámbitos da educación e a cultura.

VENDA DE ENTRADAS

Despacho central de billetes da praza de Ourense: de luns a venres (agás festivos) de 9.30 a 13.00 h e de 16.30 a 19.30 h.

Despacho de billetes do Fórum: Aberto só os días de función desde unha hora antes (só se quedan entradas dispoñibles)

Televenda: 902 044 226 (luns a venres de 9 a 22 h; sábados de 14 a 22 e domingos de 16 a 21 h) ou web