Estrea na Coruña

Furouis Monkey House é unha banda formada por 5 mozos de Pontevedra de entre 14 e 16 anos... e un mono furioso. Un proxecto alucinante que naceu nunha clase de música e levou a Mariña (voz), Carlota (batería), Amaya (teclados), Irene e Diego (guitarra) e o mono (baixo) a gravar o seu primeiro traballo, Run (Esmerarte/AtresMúsica, 2015) nos famosos estudios de Abbey Road e Planta Sónica.

Desde entón, Furious Monkey House deixaron coa boca aberta o mundo cunha calidade alucinante sobre o escenario e o seu repertorio de cancións pop e rock de aires dos 90 que emocionan a nais e pais que foron fans de Nirvana, Pixies ou Smashing Pumpkins, e a nenas e nenos de todas as idades con ganas de bailar.

Xa tocaron en grandes escenarios como o Primaver Pop, o Son do Camiño ou o Festival PortAmérica, e o fenómeno Furious Monkey House arrasa en medios de alcance nacional como Sesiones Ligeras, Roomies, Los 40, Jotdown Magazine, Radio 3 ou El País. Ademais, os nosos adictos aos plátanos compuxeron Life into the wild, o tema principal da película Zipi y Zape.

VENDA DE ENTRADAS

Despacho central de billetes da praza de Ourense: de luns a venres (agás festivos) de 9.30 a 13.00 h e de 16.30 a 19.30 h

Despacho de billetes do Teatro Colón: aberto só os días de función desde unha hora antes (só se quedan entradas dispoñibles)

Televenda: 902 044 226 (luns a venres de 9.00 a 22.00 h; sábados de 14.00 a 22.00 e domingos de 16.00 a 21.00 h) ou web