Get Back é o título da nosa nova obra do autor Diego Ameixeiras.Unha situación anecdótica pode ser o berce dunha nova vida. Nun día rutineiro, no metro rutineiro, nun traxecto rutineiro e a unha hora rutineira atópanse cinco vidas totalmente diferentes pero unidas por un lugar común. Ambientada no Londres rutineiro do século XXI, con Get Back veremos como unha parada temporal do metro pode converterse nunha viaxe ao pasado das personaxes. Unha mirada no seu interior a situacións que desexan cambiar pero non o conseguían. Unha simple parada da Bakerloo Line vai tratar de rectificar os seus erros no pasado. Unha obra tremendamente actual para entreterse, escoitar, desfrutar e recoñecerse nunha das cinco vidas que se atopan no mesmo vagón da vida. Get Back é unha desas obras que deixa pegada como espectador, como actor e como director se nos deixamos levar no traxecto da Bakerloo Line londinense que se dirixe á estación de Elephant & Castle. Boa Viaxe!

VENDA DE LOCALIDADES

• Venda en liña: Ataquilla.com
• Venda no despacho de billetes do Fórum unicamente días de proxección desde media hora antes (sempre que queden localidades dispoñibles)
• Venda no despacho de billetes central Praza de Ourense: de luns a venres (excepto festivos) de 11.00 a 15.00 e de 16.30 a 19.30 h