Danny Zuko e Sandy Olsson son dous mozos que teñen un romance nas súas vacacións. Ao remate do verán, vense obrigados a separarse. Ao seu regreso ao instituto Rydell, Danny reúnese coa súa banda, os T-birds, de chaquetas de coiro e pelo engomado. Inesperadamente, os pais de Sandy deciden mudarse e a moza ingresa no mesmo colexio.

Pasada a sorpresa do reencontro e co obxectivo de quedar ben diante dos seus compañeiros, Danny adopta unha actitude arrogante que deixa a moza totalmente desamparada. Sandy únese entón ás Pink Ladies, a contraparte feminina dos T-Birds. A partir de entón teñen lugar historias e desencontros entre os dous namorados e as súas amizades, todo iso marcado polos acontecementos das súas vidas estudantís: o comezo da tempada de fútbol, o baile de promoción, carreiras de coches, noites de mozas, de mozos, saídas ao "fast-food", ao autocine...

A música e o baile son compoñentes fundamentais en Grease, e sen dúbida teñen moito que ver co que se converteu no 'musical feeling good' por excelencia. Unha banda sonora con éxitos internacionais e acrobáticas coreografías son arroupadas por unha súper produción que non deixará indiferente a ninguén, coa que Grease conmemora este ano o seu 50 aniversario.

VENDA DE ENTRADAS

• Despacho de billetes da praza de Ourense (excepto festivos): de luns a venres das 11.00 ás 15.00 h e das 16.30 ás 19.30 h
• Despacho de billetes do Teatro Colón: dende dúas horas antes do comezo do espectáculo (sempre que queden entradas dispoñibles)
• www.ataquilla.com