A cantautora norteamericana Holly Miranda naceu entre Detroit e Nashville, dúas cidades con gran peso musical que terían unha influencia moi profunda na súa propia aventura artística. Empezou a tocar o piano á idade de 6 anos, aprendeu de maneira autodidacta a tocar a guitarra aos 14 e mudouse a Nova York aos 16 para empezar a súa carreira profesional. Durante case 20 anos, Holly estivo tocando, escribindo e producindo xunto ás figuras máis importantes da industria. Tocou con xigantes como Florence And The Machine, Karen O, Lou Reed, The XX ou Lesley Gore. Sacou dous discos xunto á súa banda The Jealous Girlfriends, toca a batería con Scarlett Johansson en The Singles e coescribiu e produciu unha boa morea doutros proxectos. En 2018 publicou o seu terceiro disco, Mutual Horse, co selo Dangerbird Records. No álbum colaboraron Josh Werner (Dr. John, Lee Scratch Perry), Jared Samuel (Yoko Ono), Jim Kirby Fairchild (Grandaddy, Modest Mouse), Kyp Malone (Tv On The Radio), Maria Eisen (Underground System) e Matthew Morgan (Built to Spill, Modest Mouse), entre outros.