Entre as seccións competitivas están a Sección Internacional, con películas internacionais e españolas, a Sección Galicia, con películas dirixidas por directores galegos e a Sección Escolas, con películas de talentos emerxentes de escolas artísticas, cinematográficas e universidades.

Nas seccións non competitivas contamos cunha Retrospectiva a Roee Rosen, dous focos dedicados a Carmen Nogueira e a Nicolas Gebbe e un pase de curtas chamado "Miradas Diversas A Coruña", realizados nun obradoiro previo ao festival en colaboración con asociacións locais.

O festival e as súas actividades paralelas terán lugar no Teatro Colón, a Filmoteca de Galicia, a Sala Palexco e a Fundación Luís Seoane.