Tras o veredicto da Comisión de Valoración, unha vez analizadas as memorias dos dous centros educativos solicitantes segundo os criterios de valoración dos proxectos recolleitos na base 6, será o grupo de 6º curso do CEIP Eusebio da Guarda o que visite o municipio portugués de Braga os días 12, 13 e 14 de maio.

Esta estancia forma parte do "IV Intercambio Escolar Eixo Atlántico ", un programa que busca facilitar o intercambio entre escolares dos diferentes municipios de Galicia e Norte de Portugal integrantes do Eixo Atlántico, para compartir experiencias entre escolares; especificamente, dar a coñecer a cidade da Coruña ao alumnado dun centro educativo dun municipio portugués, neste caso a cidade de Braga.