Os turistas acoden en masa ao outeiro Xanículo: un visitante xaponés desvanécese ao observar tanta beleza. Jep Gambardella (Toni Servillo) é un home atractivo e sedutor irresistible, que che fai ignorar os seus primeiros signos de envellecemento. Jep goza ao máximo da vida social da cidade. Asiste a ceas e festas elegantes, onde o seu enxeño e deliciosa compaña son sempre benvidas. Xornalista de éxito e sedutor innato, escribiu unha novela de mocidade coa que conseguiu un premio literario e a súa reputación de escritor frustrado. Acocha o seu desencanto tras unha actitude cínica que lle leva a ver o mundo con certa lucidez amarga. Na terraza do seu apartamento en Roma, con vistas ao Coliseo, organiza festas onde "o aparello humano" título da súa famosa novela, móstrase en toda a súa nudez mentres se desenvolve a gran comedia da nada. Cansado do seu estilo de vida, Jep soña con volver escribir, aferrándose ás memorias dun novo amor no que segue ancorado. Será quen de conseguilo? Será capaz de sobrevivir a esta profunda repulsión que sente cara a si mesmo e cara aos demais, nunha cidade cuxa beleza, ás veces, leva á parálise?

Director: Paolo Sorrentino

Intérpretes: Toni Servillo, Carlo Verdone

Italia, 2013 - 141 min

(V.O.S en castelán)

NON RECOMENDADA MENORES DE 12 ANOS

Formato: 35 mm

** DEBIDO Á SÚA LONGA DURACIÓN, ESTA PELÍCULA PROXECTARASE UNICAMENTE XOVES, VENRES E SÁBADO ÁS 20.15 H