Unha caravana atravesa as montañas do Atlas marroquí coa misión de conducir o patriarca moribundo ao pobo no que naceu, no que espera atopar, á fin, repouso. A viaxe preséntase chea de incógnitas, pero Ahmed e Saïd, dous buscavidas, aseguran coñecer o camiño. Noutro lugar, quizais noutra época, Shakib, bufón entre os taxistas, é recrutado coa encomenda de vixiar a caravana e asegurar que a viúva do patriarca vexa cumprida a promesa da tribo. Desorientados, terán que superar a neve, a persecución, o asalto e o rapto, pero nun xiro quixotesco, Shakib fará que as mulas voen para atravesar montañas infranqueables e transformar coa súa fe o destino da expedición.

Versión orixinal en árabe con subtítulos en galego

**A entrada será con invitación.

As invitacións repartiranse no despacho de billetes de Pza. Ourense (máximo 2 invitacións por persoa)

Previo á proxección, terá lugar no Kiosco Alfonso o coloquio que leva por título Campo de Batalla: da Bolex ás mimosas.

No coloquio participarán:

- Oliver Laxe (realizador)

- José Manuel Sande (guionista e historiador de cinema)

- Vicente Vázquez (realizador)

- Felipe Lage Coro (produtor)

O coloquio comezará ás 18.00 h