O Aquarium Finisterrae ofrece as fins de semana unha actividade para as persoas que o visitan. Trátase de charlas breves, duns 10 minutos, sobre a bioloxía e curiosidades dalgunhas das especies máis populares do Aquarium (polbos, medusas, cabaliños de mar, estrelas de mar...) ofrecidas polo persoal de atención ao público.

Esta actividade nace do interese mostrado polo público do Aquarium por preguntar e profundar nunha gran diversidade de cuestións.

Os monólogos anúncianse por megafonía minutos antes do comezo de cada monólogo para que as persoas que están a visitar o Aquarium poidan asistir se o desexan.