Chuches Amil, co seu concerto en formato banda, chega para animarnos o Nadal. A bailar, cantar e aprender moita lingua!!

Chuches Amil nace da man de Fran Amil, músico, compositor e produtor coruñés que desde os anos 90 pasou por algún dos grupos chave do movemento Bravú (Os Papaqueixos, Ruxe-Ruxe ou Diplomáticos de Monte Alto) e que actualmente forma parte dos grupos Tres Trebóns e Ulträqäns.

Este traballo, "Monstros con ou sen consentimento", consta tamén dun libro-CD de 24 páxinas, con ilustracións de Manel Cráneo, cheo de cancións para gozar en familia, cun sorriso nos beizos e moito ritmo para erguer o ánimo e non parar de bailar. E tamén moitos monstros!!

Visible dende o 19 de decembro de 2020 ata o 19 de xaneiro de 2021.

Organiza Normalización Lingüística do Concello da Coruña dentro do programa Apego.

Espectáculo en formato dixital, por mor da pandemia sanitaria.