Este ano Mostrart acolle a 66 artesás e artesáns profesionais en 43 casetas. 52 dos participantes son obradoiros artesáns inscritos no Rexistro Xeral de Artesanía de Galicia e acollidos ao sistema da Marca de Artesanía de Galicia. Cóntase, ademais, coa participación de 16 talleres artesáns doutras comunidades autónomas e cun participante de Francia.

O cartel desta edición é obra do recoñecido ilustrador Javier Fernández Carrera, Pintu, e representa o deus grego Hefestos, que nunha das súas atribucións representa a Artesanía e, máis concretamente os oficios relacionados co lume, a forxa e os metais. A ilustración é o resultado da colaboración con distintos artesáns e artesás que achegaron pezas para a montaxe de forxa, xoiaría, produtos téxtiles, marroquinaría, instrumentos...