A proposta de Sumrrá , formada por (contrabaixo), Xacobe Martinez Antelo Manuel Gutiérrez (piano) e Lar Legido (batería/obxectos sonoros), é un trío que leva 25 anos explorando as fronteiras do jazz. Cunha sólida traxectoria internacional e sete discos no seu haber, consolídanse como unha das formacións máis lonxevas da escena jazzística nacional. Percorreron escenarios en cidades como Seúl, París, Johannesburgo, Vitoria, Vancouver, Sofía e Braga, entre moitas outras, ofrecendo un espectáculo potente e vangardista. Para celebrar o seu aniversario, Sumrrá convida ao soado Niño de Elche, coñecido pola súa fusión de flamenco e outros xéneros. Neste novo espectáculo, combinan a música orixinal do trío con letras que abordan temas ao redor dos dereitos humanos e a xustiza social, incluíndo referencias a figuras emblemáticas como Martin Luther King e Malala Yousafzai. Este concerto, que mestura tradición e modernidade, promete ser unha experiencia conmovedora que remove conciencias e aquece a alma.

REPARTICIÓN DE INVITACIÓNS

• www.ataquilla.com
• Despacho de billetes praza de Ourense (excepto festivos): de luns a venres de 11.00 a 15.00 h e de 16.30 h a 19.30 h.