O programa educativo Paixón laranxa: a voz do Coliseum 2025-26 , dirixido a escolares de 5º e 6 º de primaria dos centros educativos da Coruña, abre o seu prazo de inscrición entre o luns 2 de febreiro e o venres 27 de febreiro, ambos os días incluídos.

A segunda edición desta iniciativa ten como obxectivo fomentar o baloncesto e o sentimento de pertenza ao equipo a través da creatividade e a animación deportiva.

O concurso desenvolverase ao longo de varias xornadas, en función dos colexios inscritos, levándose a cabo as fases eliminatorias entre o 16 e o 23 de marzo e a gran final o día 10 de abril, no descanso do partido entre o Leyma Coruña e o Monbus Obradoiro.

Os propios centros serán os encargados de realizar a inscrición das bandas escolares, a través desta ligazón.