A voz de Patricia Kraus adáptase á perfección a esta selección de cancións, ofrecendo nos seus temas a particularidade de instrumentacións e ritmos radicalmente diferentes ás acostumadas, incentivando a versatilidade da voz privilexiada dunha artista xenuína e inclasificable. Patricia Kraus ofrécenos neste concerto tamén varios temas como compositora, querendo así reflectir o paso do tempo e a evolución do intenso traballo desenvolvido nestes anos de directos coa súa banda. Uns anos nos que conseguiu un son, unha identidade e unha voz propias dentro do mundo do jazz e do R&B. Grazas a esta continua evolución no seu traballo, Patricia Kraus é hoxe día sinónimo de calidade e brillantez artística, voz que alcanza os seus rexistros máis agudos de forma totalmente natural.