Nesta nova aventura Nacho Bombín, Belén Pelo de Ouro e Emi Bombón asistirán a un colexio bilingüe chamado "English Pitinglish", onde aparecerán cantando en inglés e castelán.

Pais e fillos volverán ser alumnos e vivirán da man dos Pica-Pica unha chea de sorpresas, xogando sempre cunha gran complicidade co público. Espectáculo interactivo e participativo para nenos e grandes, onde o humor e a complicidade é a principal característica.

Pica-Pica é un grupo de música e teatro infantil que acadou gran popularidade entre os nenos polos seus divertidos espectáculos e a interpretación de cancións de toda a vida. Humor e xogos que fomentan a creatividade e as habilidades sociais da xente miúda. Nacho Bombín, Emi Bombón e Belén Pelo de Ouro son os veciños dun patio moi particular no que pode suceder calquera cousa. Estas aventuras rematan sempre cun sorriso de orella a orella e unha canción entre os beizos para non deixar de bailar con todos os amigos e a familia.

*Os menores de 2 anos que non ocupen asento non pagan entrada.

Duración aproximada: 70 minutos.

Venda de entradas

Despacho de billetes Central, Praza de Ourense: de luns a venres de 9.30 a 13.00 e de 16.30 a 19.30 h.

Despacho de billetes Teatro Rosalía: só días de función, de 12.00 a 14.00 e de 18.00 a 20.00 h.

Sede Afundación: de luns a sábado, incluídos festivos, de 9.00 a 21.00 h.

Televenda: 902 504 500