Make it open é un proxecto educativo a nivel europeo que profunda no uso da filosofía do movemento maker e da escolarización aberta para a aprendizaxe STEAM. Durante o curso 22/23 varios docentes de centros educativos de primaria e secundaria realizaron actividades inspiradas en escenarios propostos dentro deste proxecto, e acadouse a participación de máis de dous mil estudantes.

No encontro do próximo martes 27 de xuño, os profesores e profesoras que participaron en Make it open compartirán os resultados do seu traballo en escolarización aberta, para profundar nas vantaxes e requisitos deste tipo de ensino así como os pasos que hai que seguir para comezar a aplicala.

Tendo en conta os positivos resultados obtidos durante este curso e a boa valoración dos recursos e ferramentas xerados no proxecto, os Museos Científicos Coruñeses seguirán traballando neste campo cos centros educativos interesados.

A duración da reunión será de tres horas e media coa seguinte orde do día:

• Benvida
• Presentación de escenarios Make it open
• Descanso - café
• Debate e mesa redonda
• Despedida

Para participar é necesario cubrir un formulario aquí.