A carreira do xornalista Carlos del Amor está vinculada á Área de Cultura dos Servizos Informativos de RTVE.

A súa especial maneira de enfocar a información no Telexornal convertérono nunha das voces máis persoais, recoñecidas e seguidas do panorama xornalístico.

Colaborador habitual en varios programas de radio, cubriu os principais festivais de cinema do mundo e entrevistou a numerosas personalidades da cultura.

Así mesmo, publicou artigos en diferentes revistas e imparte clases e charlas en numerosas universidades. Todo o dito resúmese nunha frase: é un magnífico contador de historias.

No 2012 publicou un libro de relatos, La vida a veces, que foi moi ben recibido.