O luns 10 de marzo ás 18.30 horas terá lugar na Biblioteca Os Rosales a presentación do libro "El universo del hombre azul" de Pedro Calatrava Labandeira, obra gañadora do I Premio Fundación Mediterráneo.

Nacido en Madrid en 1958, Pedro Calatrava trasladouse á Coruña en 1965, onde reside desde entón. Cursou estudos de Medicina, Psicoloxía e Dereito. A súa vida laboral desenvolveuse na industria química. No apartado creativo, escribiu algúns contos e relatos breves sen publicación nin exposición así como colaboracións esporádicas de texto e cómic en blogs e publicacións de ámbito variado.

O escritor, veciño dos Rosales e debutante no mundo literario, impúxose entre máis de 933 orixinais presentados ao concurso convocado pola Fundación Mediterráneo e a Universidade de Murcia.

A novela narra a evolución persoal dun home na idade madura  que será capaz de atopar, a través de diversas peripecias e unha vez xubilado, o seu sentido na vida. Tratase dunha obra de formación na idade madura.

Non dubidedes en acompañarnos para descubrir todos os seus misterios!