Montserrat Astray presenta na Biblioteca Ágora a súa primeira  novela "Una luz en la tormenta", a historia dunha muller loitadora, forte e intelixente que se deixa levar polo que ela cría que era amor e abandona a súa carreira para centrarse en ser nai e esposa. A vida ensinaralle que unha historia pode dar mil voltas e que o que ela cría imposible pode suceder.

Sinopse da obra

Lía é a protagonista desta historia, unha excelente científica que terminará facendo o maior descubrimento da historia do último século. Un virus misterioso que ameaza a poboación mundial e que xunto cun grupo de científicos se verán envoltos nunha trama de investigación que os levará a verse involucrados nun proxecto altamente secreto e perigoso. Enfrontaranse a grupos terroristas que desexan utilizar ese virus como unha arma e en medio dese caos ela seguirá loitando polos seus fillos para protexelos e darlles a vida que realmente merecen.

Lía regresará ao seu traballo como epidemióloga e coñecerá o amor verdadeiro, ese que un non espera e que cando menos conta te dás aí está, diante dos fociños.