O próximo 5 de Xuño, ás 12:00 h, levaremos a cabo a presentación do libro "Vagos y maleantes", que é un proxecto artístico e xornalístico a través do cal se mostra a arte na rúa desde dentro, desmontando estereotipos e achegando humanidade e realismo a ese mundo mediante os testemuños dos seus propios protagonistas.

Este traballo foi posible grazas ao traballo de Laura e de Ton, de manchea, quen se ocuparon da corrección, maquetación e impresión do mesmo, ademais da súa conversión ao formato dixital.

No acto contaremos coas actuacións en vivo e en directo de algúns dos artistas que aparecen no libro, nesta ocasión acompáñannos Erik Muiños "Le Peich", Gonzalo "Bobby Rumba", Ramiro Edreira e Flor Teclas.