Neste taller enmarcado dentro do Programa Ler conta moito, as persoas asistentes aproximaranse ao mundo da astronáutica mediante experiencias físicas, dificultades e requisitos que debemos cumprir para converternos nun astronauta. Tras unha breve introdución sobre a historia da astronáutica, coñeceremos os procesos de selección aos que debemos someternos para converternos nun astronauta.

Unha vez superadas as duras probas físicas, iniciaremos un adestramento que nos permitirá, por exemplo, intentar controlar un brazo robótico, ou comprobar a dificultade de pilotar unha nave espacial para que o transbordador poida regresar ao planeta Terra.

Unha vez pasado o proceso formativo dun aspirante a astronauta, e superado o proceso de adestramento finalizaremos a actividade como comandantes da nave.

Por último, tras probar a comida dos astronautas, descubriremos a importancia de viaxar ao espazo para mellorar a nosa vida cotiá, e descubriremos qué usamos hoxe grazas ás investigacións levadas a cabo no espazo.