Esta creadora valenciana ofrecerá un recital itinerante baseado en En un lugar limítrofe (o seu poemario publicado pola Editorial La Imprenta en 2023), que explora o exilio emocional, a identidade difusa e a tensión entre a vontade de afecto e o peso da tradición. Un espazo escénico diferente A artista utilizará de modo moi persoal o propio espazo da Casa Museo Casares Quiroga, convertendo a arquitectura nun territorio sensible e evocador e activando a palabra poética a través da presenza corporal, o silencio e a atmosfera.

O recital desenvolverase na biblioteca, onde a voz da artista entrará en diálogo cos ecos de María Casares, evocando a súa forza escénica e a súa memoria como figura do exilio e da resistencia íntima. Tras o recital, producirase un conversatorio aberto coa artista.

Esta proposta forma parte do ciclo NEXOS, dedicado á intervención e recuperación da memoria a partir do encontro entre distintas disciplinas artísticas, e sucede ó encontro coa cineasta Laura Hojman, que o 17 de outubro presentou o seu documental Antonio Machado.

Los días azules con todas as invitacións esgotadas. NEXOS é un proxecto da Asociación Cultural AÏS en colaboración coa Concellería de Cultura e Turismo do Concello da Coruña e as Casas Museo da Coruña