Micomicón en coprodución co Centro Dramático Nacional e A Priori

Os nosos protagonistas son tres soldados do exército español, vanse encontrar nas terras do Rif despois do Desastre de Annual ocorrido o 22 de xullo do 1921. Son tres soldados que representan a milleiros de xóvenes españois que foron arrincados dos seus fogares e a os milleiros de rifeños que se viron obrigados a loitar no lado español para mitigar a súa fame e miseria. A través das súas historias, dos seus relatos, das súas vivenzas, que recorrerán lugares tan tristemente míticos coma Igueriben, Zeluán ou Monte Arruit, e que se proxectarán ata o nefasto ano de 1936, desfilarán diante do público personaxes clave daquelas guerras: deputados, altos comisarios, reis, taberneiras, prostitutas, caídes, artistas de cine, xornalistas, militares e civís. Con eles imos a vistar, coma se dun pesadelo grotesco se tratara, o café cantante, o blocao, o pasodobre e o almuédano, o aduar, e a marcha militar, o prostíbulo e o barranco, o casino, a embosacada, os negocios sucios, a valentía dalgúns, a vileza de moitos, o medo da mayoría, a baioneta, a gumía, a carabina, a sede insoportabable, o corpo calcinado, a cabeza cortada, as entrañas, en fin, dunha guerra innecesaria, inxusta e cruenta, que causou milleiros de mortes de españois e rifeñoa, utilización de gases tóxicos incuída, e cunhas consecuencias crucias no devenir do século XX. 

Con: Arantxa Aranguren, Néstor Ballesteros, Juanjo Cucalón, Ibrahim Ibnou Goush, Carlos Jiménez-Alfaro, Mariano Llorente, Mateo Rubistein, Sara Sánchez e Jorge Varandel

Dirección de Laila Ripoll.

*Venda de entradas a partires do 13 de xaneiro

Despacho de Billetes da Praza de Ourense: de luns a venres de 11 a 15 e de 16.30 a 19.30 h

despacho de Billetes do Teatro Rosalía: só abre os días de función de 16 a 20 h

Venda en liña