Este será o itinerario:

Praza do pintor Sotomayor. Comezaremos o noso percorrido ás 12.00 h diante da Biblioteca da Casa do Consulado, a biblioteca pública máis antiga da cidade.

Rúa do Sol, nº 8 a última localización da biblioteca Germinal. Con Ana Romeu, historiadora.

Rúa San Andrés, nº 36. Biblioteca Círculo de Artesáns. Con Marcelino Abuín, xestor de patrimonio.

Xardíns de Méndez Núñez: biblioteca Concepción Arenal, biblioteca Infantil e Biblioteca Popular (edificio Atalaia) Con Xosé Luís Martínez, arquitecto.

Mapa Mundi do Beato do Burgo de Osma

O mapamundi do Beato do Burgo de Osma garda unha das primeiras representacións gráficas do que segue sendo o gran símbolo da nosa cidade. Un elemento alongado con catro letras á súa beira: FARO. Hoxe sabemos que ese era o topónimo co que A Coruña se identificaba durante boa parte da Idade Media e este códice do ano 1086 así o recolle. No que parece o outro extremo dun mar coñecido vemos un elemento xemelgo. Está, efectivamente, no oriente do Mare Nostrum e representa o faro de Alexandría. Alexandría, ese lugar suxestivo co que estamos irmanados polos nosos grandes símbolos: os faros. Alexandría é tamén mundial e historicamente coñecida polas luces dos libros da mítica biblioteca.

As prazas son limitadas.

Para anotarse prema aquí