Alicia está namorada.

Alicia faise un selfie.

Alicia presiona enviar.

Do outro lado do móbil, alguén reenvía, e reenvía, e reenvía.

Os chats tolean. Unha avalancha de mensaxes, de vexacións, de insultos, de censura.

Nun mundo eterno como é a rede, cal é a solución para recuperar a intimidade perdida tendo en conta que, cada ano que pasa, as xeracións están expostas a crecer sen a madurez suficiente para empregar un novo apéndice chamado teléfono?

Cámara escura fala das vítimas de ciberacoso que se ven conducidas cara a un buraco negro de desprezo e dor. Trata das persoas culpables que, agresión tras agresión, van construíndo un perigoso perfil de cara ao futuro. Cámara escura diserta sobre esas nais e pais que ven, con absoluta impotencia, rotas/os as súas fillas e os seus fillos.

A través de Alicia, esa moza dividida en dúas voces internas, podemos asomarnos á realidade que sofren cada día máis adolescentes a nivel mundial.

Autoría: José Luis Baños de Cos

Dirección: Sara Rey Seoane

Elenco: Andrea Blanco Dios, Ana San Fernando, Marcos Grandal Tojeiro

Compañía: Vórtice Escénico

Duración: 60 minutos

Público: a partir de 12 anos

Espectáculo en galego

VENDA DE ENTRADAS:

• Despacho de billetes da praza de Ourense (excepto festivos): de luns a venres, das 11.00 ás 15.00 h e das 16.30 ás 19.30 h
• Despacho de billetes do Fórum Metropolitano: dende unha hora antes do comezo do espectáculo (sempre que queden entradas dispoñibles)
• ataquilla.com