O espazo ofrecerá un percorrido moi ameno e tecnolóxico a través de 34 postos visuais e interactivos, que estarán divididos por áreas temáticas da cidade como a auga, medio ambiente, lecer, mobilidade, entre outras. En cada área poderanse coñecer, tocar e mesmo utilizar os proxectos smart. O showroom concentrará os proxectos que están transformando a nosa cidade para facela máis accesible, eficiente e sostible.

VISITAS GUIADAS AO SHOWROOM

Todos os martes e xoves de 20.00 a 21.00 h organizaranse visitas guiadas para grupos de 10 a 15 persoas. Se queres facer unha visita guiada polo showroom de Coruña Smart City, envíanos os teus datos a través do seguinte formulario, describindo no asunto “visita showroom” e detallando dentro dos comentarios o número de visitantes e cando quererían facer a visita. O equipo de comunicación de Coruña Smart City poñerase en contacto canto antes para confirmar a cita.