O mércores 25 de marzo ás 18.30 h na Biblioteca Fórum Metropolitano temos o Obradoiro "A ciencia da cosmética", impartido por David Ballesteros de Ceo Aberto. Está dirixido para nenos e nenas de 9 a 14 anos.

Neste obradoiro de SomosPro achegarémonos dun xeito divertido, práctico e moi participativo, ao mundo da cosmética e á súa relación coa ciencia.  Os rapaces e rapazas converteranse en científicos, elaborando as súas propias cremas hidratantes, cremas solares e bálsamos labiais. Mentres experimentan cos ingredientes, aprenderán conceptos básicos de química, bioloxía e saúde, descubrindo para que serve cada compoñente, como se mesturan as substancias e por que é importante coidar a nosa pel.

Agardámosvos na Biblioteca Fórum para unha nova aventura de SomosPro!

Actividade con inscrición previa.