Achinoam Nini "NOA" volve a España e faino cargada de novidades.

A cantante israelí atópase inmersa actualmente na publicación do que será o seu novo disco e que verá a luz proximamente.

No concerto que ofrecerá o día 16 de novembro na Coruña, interpretará varios temas inéditos deste novo álbum baseado en temas de  J. S. Bach, aos que se sumarán algunhas das máis coñecidas cancións da súa traxectoria musical. 

Un concerto a dúo, no que Noa estará acompañada polo seu inseparable e gran guitarrista Gil Dor, a quen coñeceu estudando na escola Rimón de Jazz e Música Contemporánea en 1990 e quen se convertería no seu compañeiro de dupla desde entón ata o día de hoxe.

VENDA DE ENTRADAS

Despacho central de billetes da praza de Ourense: de luns a venres (agás festivos) de 9.30 a 13.00 h e de 16.30 a 19.30 h

Despacho de billetes do Teatro Colón: aberto só os días de función desde unha hora antes (só se quedan entradas dispoñibles)

Televenda: 902 044 226 (luns a venres de 9.00 a 22.00 h; sábados de 14.00 a 22.00 e domingos de 16.00 a 21.00 h) ou web